घुमाउँछु जाँतो (बालकविता)

 

उचाली पलेटो झार्छु धुलोमाटो
समातेर हातो घुमाउँछु जाँतो

roma

मकैसँग भट्ट मिसाएर चट्ट
पिनेपछि अब बन्छ सातु झट्ट
खान्छु यही सातु चिया ल्याउनू तातो
समातेर हातो घुमाउँछु जाँतो

ICAS

मियोजस्तै मानी बिचमा बसी नानी
राख्न नपाउँदै खाइहाल्ने बानी
लाउँछु अझै बल दुखे दुखोस् पातो
समातेर हातो घुमाउँछु जाँतो

parichay

आँ-आँ गरी खान्छ चारैतिर फाल्छ
अनि मेरो भाइ रमाउन थाल्छ
एकछिन यता नआऊ जाला भाइ सातो
समातेर हातो घुमाउँछु जाँतो

मुठी दरो पार्छु थकाई पछि मार्छु
अड्किएको पिठो कुचो लिई झार्छु
ठेला उठी हात भए पनि रातो
समातेर हातो घुमाउँछु जाँतो ।

– रमेशचन्द्र घिमिरे

 भोर्लेटार, लमजुङ

pokhara internet
Comments
Loading...