ICAS
Rara

क्रिकेटर खड्कालाई अग्नि ग्रुपले नियुक्त गर्यो ब्रान्ड एम्बेसडर

काठमाडौँ । नेपाली क्रिकेट टीमका पूर्व कप्तान पारस खड्कालाई नेपालका लागि महिन्द्रा एन्ड महिन्द्राको आधिकारिक बिक्रेता अग्नि ग्रुपले ब्रान्ड एम्बेसडरमा नियुक्त गरेको छ ।

खड्कालाई ब्रान्ड एम्बेसडर घोषणा गर्न बुधबार काठमाडौंमा आयोजित समारोहमा अग्नि ग्रुपका कार्यकारी निर्देशक अर्जुनप्रसाद शर्माले सहकार्यको घोषणा गर्दै ग्लोबल एनसीएपीको पहिलो ‘सेफर च्वाइस’ अवार्ड विजेता गाडी एक्सयूभी ३०० खड्कालाई हस्तान्तरण गरे ।
अलराउन्डर क्रिकेटर खड्का राइटह्यान्डेड ब्याट्सम्यान, राइटआर्म मिडियम फास्ट बलर तथा अफ बेक बलर हुन् । अग्नि ग्रुपद्वारा आफूलाई अग्नि इन्कर्पोरेटेडको ब्रान्ड एम्बेसडर घोषणा गरिएकोमा क्रिकेटर खड्काले खुशी प्रकट गरे ।

‘अग्नि ग्रुपसँग मेरो सदैव असल सम्बन्ध रहेको छ, म यो ग्रुपको डिस्ट्रिब्युटरसीप रहेको मोटरसाइकलको यसअघि नै ब्रान्ड प्रवद्र्धक रहिसकेको छु’ खड्काले भने–‘अग्नि ग्रुपसँगको मेरो सम्बन्ध २०६३÷६४ साल (सन् २००६–७) देखिकै हो, त्यसयता लामो समयदेखि मेरो अग्नि ग्रुपसँग सुमधुर सम्बन्ध रहँदै आएको छ । हामीले आफ्नो सम्बन्धमा पूर्णव्यवासयिक र व्यक्तिगत सन्तुलन कायम राख्दै आएका छौं । यो सहकार्यबाट म निकै हर्षित छु ।’

parichay

आफ्नो पेशागत कारणले एसयूभी गाडी सदैव प्राथमितकताको सूचीमा पर्ने गरेको खड्काले बताए । ‘मेरो पेशागत कारणले एसयूभी (स्पोर्टस युटिलिटी) गाडी सदैव मेरो प्राथमिकता सूचीमा पर्दै आएको छ, जहाँसुकै जाँदा पनि यसमा मैले मेरो थप भारी लगेज लैजान सक्छु’ खड्काले भने– ‘त्यसैले म सवारी साधनका रूपमा सुरक्षा, आरामदायी र विश्वसनीयता हेर्ने गर्छु । सुरक्षित र शानदार फाइभस्टार रेटिङयुक्त महिन्द्राको एसयूभी एक्सयूभी ३०० आफूले प्राप्त गर्दा म अत्यन्तै प्रफुल्लित छु ।’

यसअघि १० जेठ २०७६ मा अग्नि ग्रुपले पूर्व मिस नेपाल शृङ्खला खतिवडालाई तीन बर्षको लागि ब्रान्ड एम्बेसडरको रुपमा नियुक्त गरिएको थियो भने आज पारस खड्कालाई दुई बर्षका लागि ब्रान्ड एम्बेसडर घोषणा गरेको हो ।

कार्यक्रममा अग्नि ग्रुपका कम्पनी वरिष्ठ निर्देशक तथा सचिव दुर्गाप्रसाद आचार्य र उप निर्देशक बरदान बस्नेत लगायत पूर्व मिस नेपाल शृङ्खला खतिवडाको उपस्थिति थियो ।

pokhara internet
Comments
Loading...

ट्रेन्डिङ

लोकप्रिय

छुटाउनु भयो कि ?