ICAS
Rara

लकडाउनको तेस्रो दिन : यस्तो देखियो पोखरा (फोटो फिचर )

सन्तोष बस्याल
पोखरा / 

कोरोना भाइरसको संक्रमण फैलन सक्ने भन्दै सरकारले मंगलबारबाट गरेको लकडाउन क्रमशः प्रभावकारी बन्दै गएको छ । लकडाउनको तेस्रो दिन सम्म आइपुग्दा पोखरा बजार सुनसान देखिन्छ । यहाँका मूख्यबजारका पसल, कलकारखाना, रेष्टुरेण्ट, होटल सबै ठप्प छन् । मानिसहरुको आवतजावतमा समेत पहिलो दिनभन्दा कम देखिन्छ । अत्यावश्यक सामान खरिदका लागि सुपरमार्केट र पसलहरु खोलिए पनि अरुसबै ठप्प छन् ।

govnotice

चोकचोकमा प्रहरी तैनाथ छन् । लकडाउनको अवज्ञा गर्दै चलेका दुई पाङ्ग्रे चार पाङ्ग्रे सवारी लाइ प्रहरीले समातेको छ । जिल्ला प्रहरी कार्यालय कास्कीका अनुसार लकडाउनको पहिलो दिन (मंगलबार) कास्कीमा ३ सय ५० सवारी साधनलाई नियन्त्रणमा लिएको छ । दोस्रो दिन (बुधबार) घटेर २ सय ५० पुगेको प्रवक्ता राजकुमार केसीले परिचयनेटवर्कलाई जानकारी गराए ।

सरकारी कार्यालय,प्रहरी,एम्बुलेन्स,दुध बेच्ने,खानेपानी लगायतका अत्यावश्यक सवारीसाधन चल्न भने छुट दिएको छ । लकडाउनमा सकेसम्म घरभन्दा बाहिर ननिस्कन सरकारको आग्रह छ । लकडाउनको आदेश पालना नगर्नेलाई ६ महिनासम्म कैद र ६ सय रुपैयाँसम्म जरिवाना वा दुवै सजायँ हुने कानुनी व्यवस्था छ । गण्डकी प्रदेश सरकार समेत कोरोना भाइरसको रोकथाम र नियन्त्रणका लागि तिव्र रुपमा लागिरहेको छ ।

तेस्रो दिन बिहिबार बिहान सम्म पोखरामा लकडाउनको प्रभाव के छ त ? पोखराका मूख्यबजार पृथ्वीचोक, महेन्द्रपुल, चिप्लेढुङ्गा, नयाँबजार, न्युरोड, नदिपुर, बाग्लुङ बसपार्कका लगायतका ठाउँहरुको अवस्था केही तस्बिरमा हेर्नुहोस् :

                                                                                                                                         बाग्लुङ बसपार्क
                                                                                                                                              चिप्लेढुङ्गा
parichay
                                                                                                                                      न्युरोड
                                                                                                                                           महेन्द्रपुल
                                                                                                                                          पालिखेचोक
                                                                                                                                                नयाँबजार
                                                                                                                                        पृथ्वीचोक
                                                                                                             महेन्द्रपुल देखि चिप्लेढुङ्गा सम्म

 

तस्बिर : दिपू बस्याल

pokhara internet
Comments
Loading...