ICAS
Rara

गच्छदारको पक्षमा कांग्रेस, दबाबमा मुद्दा लगाएको निष्कर्ष

काठमाडौं । नेपाली कांग्रेस आफ्ना उपसभापति विजय गच्छदारको पक्षमा उभिएको छ । ललिता निवास जग्गा प्रकरणमा मुद्दा दायर भएका पूर्वउपप्रधानमन्त्री गच्छदारको पक्षमा उभिने कांग्रेस निर्णय गरेको हो । सोमबार बसेको केन्द्रीय समिति बैठकले गच्छदारलाई फसाइएको निष्कर्ष निकालेको हो ।

ललिता निवासको जग्गा सम्बन्धी विषयमा अख्तियार दुरुपयोग अनुसन्धान आयोगले प्रस्तुत गरेको अभियोग पत्र आफैमा विरोधाभाषपूर्ण एवं दोहोरो मापदण्डयुक्त रहेको कांग्रेसको निष्कर्ष छ । उपसभापति गच्छदारमाथिसरकारको प्रभाव र दबाबमा अख्तियारले मुद्दा दायर गरेको कांग्रेसको ठहर छ ।

govnotice

‘यो कार्य राजनैतिक पूर्वाग्रह र वदनियतले प्रेरित रहेको ठहर गर्दै बैठक घोर भत्र्सना र खेद व्यक्त गर्दछ तथा यस्तो प्रतिशोधपूर्ण व्यवहारको राजनीतिक रुपले प्रतिवाद गर्ने निर्णय गर्दछ’, बैठकपछि जारी विज्ञप्तिमा भनिएको छ, ‘नेता गच्छदार कानुनी रूपमा सामना गर्दै निर्दोष सावित हुनुहुनेछ भन्ने नेपाली कांग्रेसको विश्वास छ ।’

अरू निर्णय के भयो हेर्नुहोस्

parichay

वुहानका नेपालीलाई तत्काल उद्धार गर्न
चीनको वुहान शहरमा रहेका नेपाली विद्यार्थीहरुसँगै सबै नेपालीलाई तत्काल उद्धार गरेर देश ल्याउन यो बैठक सरकार समक्ष माग गर्दछ । उद्धारमा हुने ढिलाइले बढ्न सक्ने संक्रमणको जोखिम र त्यसले भोलि नेपालमा पर्न सक्ने गम्भीर असर बारे बैठक सरकारलाई सजग गराउन चाहन्छ । देश फर्काएर राख्ने ‘क्वारेन्टाइन’ लाई सम्पूर्ण रुपले व्यवस्थित र सुरक्षित ढंगले प्रबन्ध गर्न पनि बैठक सरकारलाई विशेष रुपले सजग गराउँदछ ।

राजधानीमा दिन दहाडै भएको हत्याका सम्बन्धमा

राजधानीमै दिन दहाडै नेपाल सरकारका पूर्व सचिव अर्जुन कार्कीको श्रीमती मुना कार्कीको हत्या भएको घटनालाई बैठकले गम्भीरतापूर्वक लिएको छ । समाजमा बढ्दो हिंसा र असुरक्षाको प्रतिनिधि घटनाका रुपमा यसलाई लिंदै बैठकले शान्ति सुरक्षाको प्रश्नमा गम्भीर हुन सरकार समक्ष अपिल गर्दै घटनाको गहिरो अनुसन्धान र दोषी माथि कार्वाहीको माग गरेको छ ।

वडा अध्यक्षको हत्या सम्बन्धमा

अछाम पञ्चदेवल विनायक नगरपालिका वडा नं. २ का नेपाली कांग्रेसको तर्फबाट निर्वाचित वडा अध्यक्ष पदमबहादुर धामीको गत माघ २० गते भएको हत्यालाई बैठकले गम्भीरतापूर्वक लिएको छ । घटनाको गहिरो अनुसन्धान गरी दोषीलाई आवश्यक कारवाही गर्न नेपाली कांग्रेस सरकारसँग जोडदार माग गर्दछ ।

pokhara internet
Comments
Loading...