ICAS

आजको राशिफल (शुभसमय र राहुकाल समय सहित)

पोखरा / आज मिति २०७६ साल चैत महिनाको २० गते विहिबार तदानुसार २ अप्रिल सन् २०२० चौलाथ्व श्रीशाके १९४१ नेपाल सम्बत् ११४० चैत्रशुक्लपक्ष ।

आज सुर्योदय बिहान ६ः०१ बजे भयो भने सुर्यास्त साँझ ६ः१५ मा हुनेछ । आज चन्द्रमा मिथुन राशिमा परेकाले विहिबारको समय भएकाले पश्चिम दिशाको यात्रा सफल रहनेछ ।

Parichay
Infomatics

राशीफल :
मेष : काम गर्ने अवसर प्राप्त भए पनि प्रतिफल प्रतीक्षा गर्नुपर्ला । अरूको भरपर्दा आफ्नो काम प्रभावकारी काम नहुन सक्छ । परिबन्धले समस्या निम्त्याउने हुँदा योजना गोप्य राखेर अघि बढ्नुहोला । आलोचकहरूलाई पनि व्यवहारले समेट्ने प्रयास गर्नुहोला । मिहिनेत गर्दा नियमित काम सम्पादन हुनेछन् । स्वास्थ्यका लागि आहारविहारमा ध्यान पुर्याउनुहोला ।

वृष : कामको अवसर प्राप्त भए पनि विशेष भेटघाट र शिष्टाचारले अलमल्याउन सक्छ । तापनि प्रबल इच्छाशक्तिले लक्ष्यमा पुर्याउनेछ । लगनशीलताले नयाँनयाँ काम गर्ने अवसरसमेत दिलाउनेछ । बलजफ्ती गर्ने बानीले समस्या निम्त्याउला । विवादास्पद कामको जिम्मेवारी वहन गर्नुपर्दा धन लाभ भए पनि आत्मसम्मानमा बाधा पर्न सक्छ । मनोरञ्जनमा खर्च बढ्नेछ ।

मिथुन : नयाँ कामको प्रस्ताव आउनेछ भने साथ दिनेहरू बढ्नेछन् । रचनात्मक काम बन्नुका साथै मनग्गे धन आर्जन हुनेछ। पहिलेको सफलताले थप हौसला जगाउनेछ । विछोडिएका परिवारजनसँग भेटघाट हुनेछ । रमाइलो जमघटका बीच स्वादिष्ट भोजनको आनन्द प्राप्त हुनेछ । विगतका कमीकमजोरीलाई सुधार गर्ने मौका छ । प्रेम र मित्रताको बन्धन कसिलो हुनेछ ।

कर्कट : प्रयत्न गर्दा चिताएका काम सम्पादन हुनेछन् । सुखद समाचारले दिन उत्साहपूर्ण रहनेछ । अध्ययनको लगावले बौद्धिक क्षेत्र फराकिलो बन्नेछ। सहपाठीहरू पछि पर्नेछन् । मिहिनेतले प्रतिष्ठित काम सम्पादन गर्ने मौका दिलाउनेछ । व्यापारमा धेरै फाइदा नभए पनि पशुपालन तथा कृषि क्षेत्रबाट राम्रो लाभ मिल्नेछ । सन्तान वा अनुयायीको साथले पनि हिम्मत जगाउनेछ ।

सिंह : परिवेश सामान्य रहे पनि मनको डरले भने सताउनेछ । ठूला व्यक्तिहरूसँग मतभेद रहनेछ । तापनि बाहिर आलोचना गर्नेहरूले व्यवहारमा अवसर प्रदान गर्नेछन् । परिस्थितिवश सामान्य काममा बढी अलमल हुनेछ । आफ्ना कमजोरी बाहिरिने समय भएकाले गोपनीयतामा ध्यान पुर्याउनुहोला । अरूको मुख नताकी कर्मयोगमा लाग्दा फाइदा उठाउन सकिनेछ ।

कन्या : निर्णायक मोडमा दुविधा उत्पन्न हुने समय रहेकाले हतारमा निर्णय नलिनुहोला । साथीभाइसँग असमझदारी बढ्नाले पहिलेको सम्झौता भंग हुन सक्छ । नियमित काम सम्पादन भए पनि सहयोगीहरू पछि हट्न सक्छन् । आँटेको काममा पनि केही व्यवधान हुनेछ । प्रयत्न गर्दा भौतिक साधन जुटाउन सकिनेछ । सेवामूलक कामले प्रतिष्ठा भने दिलाउनेछ ।

तुला : मिहिनेतले सम्मानित स्थान दिलाउनेछ । मन—सम्मान प्राप्त हुनेछ । सम्पादित कामबाट धन लाभ हुनेछ । आम्दानीका स्रोत बढ्नुका साथै दिगो फाइदा हुने काममा सम्झौता गर्ने समय छ । अध्ययनमा प्रगति हुनेछ । बोलीको प्रभाव बढ्नेछ भने अभिव्यक्ति कलालाई निखार्ने अवसर प्राप्त हुनेछ । चिताएको काम सम्पादन हुनेछ । पहिलेका कमजोरीलाई सुधार्ने मौका छ ।

वृश्चिक : परिस्थितिले आँटेका काममा बाधा पुर्याउन सक्छ । वैधानिक प्रावधानले केही अप्ठ्यारो पार्नेछ भने अधिकार सुरक्षा गर्न जुट्नुपर्नेछ । सानातिना काममै अल्झनुपर्नेछ भने पहिलेका समस्या दोहोरिन सक्छन् । तापनि मिहिनेत गर्दा नियमित काम बन्नेछन् । थोरै भए पनि दिगो काम प्रारम्भ हुनेछ । केही चुनौती देखिए पनि प्रयत्न गर्दा सकारात्मक संकेत प्राप्त हुनेछ ।

धनु : समयमा होस नपुग्नाले आफ्नाबाटै टाढिनुपर्ने स्थिति आउन सक्छ । घरखर्च बढ्नुका साथै अर्थ अभाव देखा पर्नेछ। तापनि विदेश भ्रमणका लागि प्रयत्न गर्ने समय छ । अवसरको खोजीमा केही दौडधुप गर्नुपरे पनि मिहिनेतको प्रतिफल प्राप्त हुनेछ । दोहोर्याएर प्रयत्न गर्दा रोकिएको काम सम्पादन हुन सक्छ । परिस्थितिवश सामान्य काममा बढी अलमल हुनेछ ।

मकर :आयआर्जनका स्रोत बढ्नेछन् भने उठ्नुपर्ने रकम हातलागी हुनेछ । मिहिनेतले आम्दानी बढाउनेछ । श्रमको उचित मूल्यांकन होला। कृषि, पशुपालन तथा व्यापारमा मनग्गे लाभ हुनेछ । दिगो फाइदा हुने काम प्रारम्भ हुन सक्छ । अध्ययनमा राम्रै प्रगति हुनेछ । नयाँ ज्ञान सिक्ने समय छ। सञ्चित धनको उपयोगबाट विशेष फाइदा हुनेछ । दिन उत्साहवर्द्धक रहनेछ ।

कुम्भ : अवसर प्राप्त भए पनि विवादास्पद जिम्मेवारी वहन गर्नुपर्ला । पुरानो हिसाबकिताब सुल्झाउन समय लाग्नेछ । लगनशीलताले लाभ उठाउन सकिनेछ । स्वार्थका लागि साइनो गाँस्नेहरूबाट सजग रहनुहोला। मिहिनेतले जीवनशैलीमा सुधार ल्याउन सकिनेछ । काम गरेर दाम कमाउने अवसर प्राप्त हुनेछ । व्यवसायमा फाइदा हुनेछ तर नयाँ काम गर्न समय पर्खनुहोला ।

मीन : मेहनतले पदीय जिम्मेवारी दिलाउनेछ । नसोचेको अवसर प्राप्त हुनाले मन प्रफुल्लित हुनेछ । टाढिएका साथीभाइ नजिकिनाले हर्ष बढ्नेछ । भाग्यले विभिन्न अवसर थमाउनेछ। काम देखाएर अरूको मन लोभ्याउन सकिनेछ । शुभचिन्तकहरूले साथ दिनाले पहिलेको चुनौती समाप्त होला । दाम, इनाम र प्रतिष्ठा कमाउने बेला छ । धेरैले आफ्ना कामको तारिफ गर्नेछन् ।

आजको शुभसमय तालिका :
बिहान ६ः०१ बजेदेखि बिहान ७ः०१ बजेसम्म शुभबेला
मध्यान्ह १२ः०१ बजेदेखि दिउँसो १ः३१ बजेसम्म लाभबेला
दिउँसो १ः३१ बजेदेखि अपरान्ह ३ः०१ बजेसम्म अमृतबेला
अपरान्ह ३ः०१ बजेदेखि अपरान्ह ४ः३१ बजेसम्म कालबेला
अपरान्ह ४ः३१ बजेदेखि साँझ ६ः०१ बजेसम्म शुभबेला

महत्वपूर्ण समय : बिहान ६ः०१ बजेदेखि बिहान ७ः०१ बजेसम्म शुभबेला र अपरान्ह ४ः३१ बजेदेखि साँझ ६ः०१ बजेसम्म शुभबेला भएकाले महत्वपूर्ण कामको थालनी गर्दा राम्रो हुन्छ ।

राहुकाल समय : दिउँसो १ः३० बजेदेखि अपरान्ह ३ः०० बजेसम्म राहुकाल समय भएकाले उक्त समयमा महत्वपूर्ण कामको थालनी नगर्दा राम्रो हुन्छ ।

pokhara internet
Comments
Loading...