ICAS
Rara

आजको राशिफल (शुभ समय र राहुकाल समय सहित)

पोखरा / आज मिती २०७६ साल फागुन महिनाको ७ गते बुधबार तदानुसार १९ फेबु्रअरी सन् २०२० शिल्लागा श्रीशाके १९४१ नेपाल सम्वत ११४० फाल्गुनकृष्णपक्ष ।

आज सुर्योदय बिहान ६ः४१ मा भयो भने सुर्यास्त साँझ ५ः५६ मा हुनेछ । आज चन्द्रमा धनु राशीमा परेकाले पूर्व, दिशाको यात्रा सफल रहनेछ ।

govnotice

राशिफल  :
मेष : अवसरका लागि केही दौडधुप गर्नुपर्ला । काम थाल्न समय लागे पनि सम्भावना खोजी गर्ने समय छ । आजको मिहिनेतले भविष्यमा नाम, दाम र प्रतिष्ठा दिलाउन सक्छ । अध्यात्मभाव जागृत हुनाले परोपकारी काममा प्रवृत्त भइनेछ । दिगो फाइदा हुने योजना कार्यान्वयन गर्न सकिनेछ । सामाजिक दायित्व पनि बढ्नेछ। तारिफयोग्य कामले लोकप्रियता दिलाउनेछ ।

वृष : स्वास्थ्य कमजोर रहनाले लक्ष्यमा पुग्न समस्या पर्नेछ । रोकिएका काममा दोहोर्याएर प्रयत्न गर्नुपर्ला । शुभचिन्तकसमेत प्रतिपक्षीको प्रभावमा आउन सक्छन् । सहयोगको तत्परता देखाउनेहरू पछि हट्नेछन् । आँटेको काम समयमा नबन्न सक्छ । आफ्ना सूचना बाहिरिने समय रहेकाले गोपनीयतामा ध्यान पुर्याउनुहोला। उपलब्धिका लागि केही दिन प्रतीक्षा गर्नुपर्ला ।

मिथुन : माहोल रमाइलो रहनेछ। प्रयत्न गर्दा आम्दानी बढाउने काम सुरु गर्न सकिनेछ । प्रेम र मित्रताको बन्धन कसिलो हुनेछ । व्यवसायको सन्दर्भमा रमाइलो यात्रा हुन सक्छ । तर, मनोरञ्जनमा अलमलिँदा लक्ष्यमा पुग्न बाधा हुनेछ। परिस्थिति अनुकूल रहे पनि मन ढुक्क नहुन सक्छ । चिताएको काम ढिलो सम्पादन हुनेछ। समस्या दर्साउँदा शुभचिन्तकहरूले साथ दिनेछन् ।

कर्कट : हल्लाको पछि लाग्दा दुस्ख पाइनेछ । अवसरले पछ्याए पनि फाइदा उठाउन चुनौतीहरूसँग जुध्नुपर्नेछ । प्रगतिमा ईर्ष्या गर्नेहरूले दुस्ख दिनेछन् । व्याहारिक समस्याले योजना रोकिन सक्छ । कामको चाप बढ्नेछ भने स्वास्थ्यले त्यति साथ नदिन सक्छ । मिहिनेतको नतिजा चित्तबुझ्दो नआउन सक्छ । प्रतिस्पर्धामा उत्रनुपरे पनि बुद्धिको उपयोगले अग्रता दिलाउन सक्छ ।

सिंह : समयको मागलाई विचार गरेर अघि बढ्नुहोला । बिस्तारै कर्मयोगले भविष्यको बाटो समाउनेछ । मिहिनेतले काममा सफलता दिलाउन सक्छ । समस्या पन्छाएर अधिकार स्थापित गर्न सकिनेछ । शुभचिन्तकहरूले साथ दिए पनि आफ्नै सक्रियताले मात्र दिगो लाभ उठाउन सकिनेछ । अध्ययनमा धेरै समय दिन नसकिएला। काम रोकिनाले लक्ष्य प्राप्तिमा विलम्ब हुनेछ ।

कन्या : परिस्थितिअनुसार निर्णय लिन नसक्दा काम बिग्रन सक्छ । तापनि, मान्यजनको मन जित्ने प्रयत्न गर्नुहोला । रोकिएका काममा दोहोर्याएर प्रयत्न गर्दा लाभ हुनेछ । पहिलेका कमजोरी सुधार गर्ने अवसर प्राप्त हुनेछ । भूमि तथा पशुधनबाट लाभ मिल्नेछ । टाढिएका आफन्त नजिकिनेछन् । मिहिनेतले फाइदा दिलाउनेछ। अनावश्यक साइनो गाँस्नेहरूसँग सावधान रहनुपर्ला ।

parichay

तुला : रचनात्मक काममा जुट्ने समय छ । पहिलेको उपलब्धिले उत्साह जगाउनेछ । सहयोगीहरूले त्यति साथ नदिए पनि काम सम्पादन हुनेछ । उद्योग र व्यापारमा सामान्य फाइदा हुनेछ । गरिएका कर्मको प्रतिफल पाइनेछ। तर, परिस्थितिले सोचेभन्दा फरक मोड लिने हुँदा सञ्चित रकम खर्चनुपर्ला । बेलामा होस नपुर्याउँदा समस्या आउनेछ । हिसाबकिताबमा होसियार रहनुहोला ।

बृश्चिक : अवसर आए पनि आत्मविश्वासको कमीले पछि परिनेछ । सामान्य आम्दानी भए पनि काम पूर्ण सम्पादन नहुन सक्छ । आफ्ना कमजोरीबाट अरूले फाइदा उठाउने चेष्टा गर्नेछन् । शुभचिन्तकलाई बेवास्ता गर्दा पनि दुस्ख पाइनेछ। खर्च हुने डरले सताउन सक्छ । तापनि सम्पादित कामबाट धन लाभ हुनेछ । मिहिनेतले आम्दानी बढ्नेछ भने पछि फाइदा हुने काममा सम्झौता हुन सक्छ ।

धनु : रमाइलो जमघटमा सहभागी बन्ने अवसर जुट्नेछ । मिहिनेतको परिणामले आत्मविश्वास बढ्नेछ । विशेष अवसरले प्रसन्नता दिलाउनेछ भने सहयोगीहरूको साथले काममा उत्साह जगाउनेछ । विशिष्ट व्यक्तिहरूसँग भेटघाट हुनेछ भने आकर्षक उपहार प्राप्त हुन सक्छ । तर आगन्तुकले अलमल्याउने हुँदा काममा विलम्ब हुनेछ । आलस्य गर्ने बानीले पनि अलमल्याउन सक्छ ।

मकर : आकस्मिक कामले खर्च बढाउन सक्छ । सञ्चित रकम अरूलाई सरसापट दिनुपर्ने हुन सक्छ । परिवारजनबाट टाढिनुपर्ला । अरूलाई समय दिँदा आफू पछि परिनेछ । अर्थअभाव खट्किए पनि आवश्यक पर्दा सरसापट वा कर्जामार्फत धन जुटाउन सकिनेछ । विदेश भ्रमणका लागि प्रयत्न गर्ने समय छ । तर करकापमा परी काम वा विशेष निर्णय गर्नुपर्ने परिस्थिति आउन सक्छ ।

कुम्भ : अवसर पाइनेछ र मिहिनेतले लक्ष्यमा पुर्याउनेछ । दिगो फाइदा हुने काम हातलागी हुनेछ । श्रमको उचित मूल्यांकन होला । पढाइमा प्रगति हुनेछ । व्यापार, साझेदारी र सट्टापट्टामा लाभ मिल्नेछ । दिगो योजना प्रारम्भ गर्ने समय छ । श्रमको उचित मूल्य प्राप्त हुनेछ । सञ्चित धनको उपयोगले लाभ दिलाउनेछ । प्रतीक्षा गरिएको काम बन्नेछ भने उठ्नुपर्ने रकम पनि हातलागी हुनेछ ।

मीन : परिस्थितिअनुसार निर्णय लिन नसक्दा काम दोहोर्याउनुपर्ला । अवसरका लागि विवादास्पद जिम्मेवारी पनि वहन गर्नुपर्ने हुन सक्छ । नियमित काम सम्पादन भए पनि निर्णायक मोडमा दुविधा उत्पन्न होला । बेसुरमा काम गर्दा समस्या पर्नेछ । तापनि, बुद्धिको उपयोगले काम सम्पादन हुनेछ । आजको श्रमबाट पछिलाई फाइदा हुनेछ। खर्च लागे पनि कामको जग बसाउने मौका छ ।

शुभ समय तालिका :
बिहान ६ः४१ बजेदेखि बिहान ८ः११ बजेसम्म लाभबेला
बिहान ८ः११ बजेदेखि पूर्वान्ह ९ः४१ बजेसम्म अमृतबेला
पूर्वान्ह ९ः४१ बजेदेखि पूर्वान्ह ११ः११ बजेसम्म कालबेला
पूर्वान्ह ११ः११ बजेदेखि मध्यान्ह १२ः४१ बजेसम्म शुभबेला
अपरान्ह ५ः११ बजेसदेखि अपरान्ह ६ः४१ बजेसम्म लाभबेला

महत्वपूर्ण समय : बिहान ६ः४१ बजेदेखि बिहान ८ः११ बजेसम्म लाभबेला र बिहान ८ः११ बजेदेखि पूर्वान्ह ९ः४१ बजेसम्म अमृतबेला भएकाले उक्त समयमा महत्वपूर्ण कामको थालनी गर्दा राम्रो हुनेछ ।

राहुकाल समय : मध्यान्ह १२ः०० बजेदेखि दिउँसो १ः३० बजेसम्म राहुकाल समय भएकाले उक्त समयमा महत्वपूर्ण कामको थालनी नगर्दानै राम्रो हुन्छ ।

pokhara internet
Comments
Loading...